(Avviż tal-Gvern Nru. 879 tas-27 t’Awwissu 2010)

Kull min ikabbar it-tadam (professjonalment jew b’delizzju) jew kull entita’ legali responsabbli minn proprjeta’ fejn jinżammu u/jew fejn ser jiġu kkultivati xtieli tat-tadam (Lycopersicon lycopersicum (L.)) bejn Settembru u Diċembru 2010, huwa obbligat jirreġistra mad-Direttorat għas-Saħħa tal-Pjanti sal-15 ta’ Settembru 2010.

Din ir-reġistrazzjoni tapplika għal kull min ikabbar it-tadam, inkluż mixtliet li ser ikabbru xtieli jew żrieragħ tat-tadam, kif ukoll individwi li ser ikabbru xtieli tat-tadam għall-użu tagħhom personali matul il-perijodu indikat.

Kull min ikabbar it-tadam u ma jirreġistrax mad-Direttorat jista’ jkun suġġett għal miżuri ta’ nfurzar skont kif stipulat fl-Avviż Legali 26 tal-2010, fin-Notifikazzjoni tal-Gvern Nru. 233 tal-2010 u fl-Att tal-Kwarantina tal-Pjanti.

1. Għall-bdiewa li se jkabbru t-tadam għall-iproċessar jew għall-mejda

Niżżel il-formola tar-reġistrazzjoni (hawn) (biex tkompli fuq paġni oħra (hawn)

Sib il-linji gwida dwar kif għandek timla l-formola tar-reġistrazzjoni (hawn)

Dawn il-bdiewa huma mitluba jirreġistraw billi jiġu d-Direttorat għas-Saħħa tal-Pjanti (Lija, Malta) jew il-Government Farm (Xewkija, Għawdex) fid-dati u fil-ħinijiet indikati hawn taħt.

2. Għal dawk li jkabbru t-tadam għall-użu personali tagħhom

Niżżel il-formola tar-reġistrazzjoni (pdf, word)

Sib il-linji gwida dwar kif għandek timla l-formola tar-reġistrazzjoni (hawn)

F’każ li wieħed isib xi diffikulta’ biex jimla’ din il-formola, għandu jċempel lid-Direttorat għas-Saħħa tal-Pjanti fuq il-Freephone 8007 2310.

3. Għal dawk li jkabbru t-tadam f’mixtliet irreġistrati

Niżżel il-formola tar-reġistrazzjoni (hawn)

Sib il-linji gwida dwar kif għandek timla l-formola tar-reġistrazzjoni (hawn)

F’każ li wieħed isib xi diffikulta’ biex jimla’ din il-formola, għandu jċempel lid-Direttorat għas-Saħħa tal-Pjanti fuq il-Freephone 8007 2310.

Il-formoli tar-reġistrazzjoni jistgħu jinġabru wkoll mid-Direttorat għas-Saħħa tal-Pjanti, Ċentru tal-Bijoteknoloġija, Triq Annibale Preca, Lija (Malta) jew mill-Farm tal-Gvern ix-Xewkija (Għawdex) fid-dati u fil-ħinijiet indikati hawn taħt.

Kif għandek tagħmel biex tirreġistra

Id-Direttorat għas-Saħħa tal-Pjanti ser ikun qed jilqa’ l-formoli għar-reġistrazzjoni tat-tadam bejn l-1 u l-15 ta’ Settembru 2010 bejn it-8.00 ta’ filghodu u s-1.00 ta’ wara nofs in-nhar fl-uffiċini indikati hawn taħt:-

MALTA:  Direttorat għas-Saħħa tal-Pjanti, Ċentru tal-Bijoteknoloġija, Triq Annibale Preca, Lija.

GĦAWDEX:  Government Farm, Xewkija.

IMPORTANTI:  Dawk li ser jirreġistraw it-tadam għandhom jġibu magħhom il-Karta tal-Identita’, il-pjanti (IACS) u d-dettalji tal-għelieqi/serer li huma (jew ser jiġu) kkultivati bit-tadam